Nongstoin, 10 Nohprah: Ki ar ngut ki nongtrei jong ka tnad Soil ha Aradonga kiba la tip kyrteng kum u Mohesh war Das u ba dei u Nongthung jingthung (mali ) jong katei ka ophis bad u Nirench kalita u ba trei kum u master Roll ha katei ka juh ka ophis, kiba la shah rahbor noh ha ki kynhun kai khlaw naduh ka 1 tarik Nohprah ki la lait noh na ka kti jong kitei ki kynhun kaikhlaw.
Katkum ka tyllong khubor na ki pulit ka WKH la ong ba kitei ki kynhun kaikhlaw kiba la rahbor ia kitei ki ar ngut kila pyllait noh ia ki hynnin ka janmiet ha kawei na ki jaka ha Dhupdara kaba don ha ki thain Assam, bad kitei ki ar ngut ki la wan poi iing ha ryngkat ka met kaba koit bad khlem kano kano ka jingshah pynmynsaw.Na ka liang jong bor pulit kin dang iai pynlong ka jongthwet bad khynra ia kitei ki kynhun kaikhlaw kiba la sdang wan suh thied ha ki thain khappud jong ka West Khasi Hills District.
Phi don ban ong eiei?