Shillong: Ka KSU Umrynjah Unit kawei na ki unit kaba hap ha ka jingkdup jong ka KSU Mawlai Circle, ha ka step jong 08tarik Jymmang, hapoh ka jingialam u Samla Oswel Thabah bad u Samla Ryan Nongdhar, President bad General Secretary ka KSU Umrynjah Unit ki la pynlong ia ka jing khynra kaba kyndit ia ka jingdon jong ki bar Jylla kiba wan ban bylla ha u pud u sam jong ka Shnong jong ki bad ha kane la jing khynra jong ka Unit la shem ba ki don shisha katto katne ki bar jylla kiba wan bylla hangthie bad haba pan ia ki kot ban pynshisha ba ki dei ki nong India, kim shym ladon satia bad kumta hi na ka liang ka Unit, ka la beh krad ia ki ryngkat ka jingmaham ia u Contractor ba um dei ban wan ialam bad pynshlur ia ki bar jylla ban wan bylla sha ki thie ki dong ki thaiñ kiba dang ia im iasah para Khasi.
Kyntang iawai na ka liang ka Unit ka la maham ia kito ki Contractor baroh kiba ioh kam shathie ba kim dei ban wan ialam bylla da ki bar jylla, hynrei kin wan ialam da ki para doh para snam bad lada ki ialeh pyrshah na ka liang ka Unit kan pyrkhat da kiwei pat ka lynti, ong ka kyrwoh na u Samla Ryan Nongdhar General Secretary KSU Umrynjah Unit.
Phi don ban ong eiei?