Shillong, 13 Nailur:
Ka CSWO lyngba ka President ka Kong Agnes Kharshiing ka la pynrem jur ia ka jingjia ha East Garo Hills ha kaba ki nongshong shnong ki la shah tied shah bom ha ki kynhun ba kam kum ki lehnoh tang namar ka daw ba ki la shah suba kum ki nongsyntiat jong ki pulit. Ha ka jingpynlait khubor, ka Kong Kharshiing ka la ong ba ka seng ka sngew ba kum katei ka jait kam un ym lah ban pdiang satia ha ka imlang ka sahlang bad ki lehnoh kim don hok eiei ban leh donbor ia ki katba ki mon. Ki paidbah kim dei ban tieng ha kaba iadei bad ban pyntip khubor sha ki bor jong ka aiñ halor kino kino ki kam sniew bad ki lehnoh kim don hok eiei ban khnang ia ki halor kane.
Katei ka jingleh jong kitei ki lehnoh ka long shisha kaba itreim bad kaba i- sait- met ban peit bad namar kata, ka CSWO ka pynpaw ba ia kum kitei ki jait briew dei ban pynshitom ia ki katkum ka aiñ.
Phi don ban ong eiei?