Shillong:Ki lai ngut ki MDC, ba kynthup ia U Ma Lakhon Biam, U Ma Dawan Lyngdoh bad U Ma Krison Langstang, MDC, ki la thoh mynta ka sngi sha U Secretary, ka Executive Committee, Jaintia Hills Autonomous District Council (JHADC), halor ka jingthmu ban tei pynheh ia ka iing ophis jong ka Jaintia District Council, kaba shongdor T.3,38,65,965./-
Halor katei ka mat, kitei ki MDC, ki la pynpaw ba ki don lai tylli ki kam kiba kongsan eh ha khmat ka JHADC bad kitei ki long ka jingsiew tulop ia ki nongtrei ka JHADC, ka jingtei ia ka iaw musiang bad ka District Council Court ha Riatsiatsim bad ka jingtrei ia ka Dorbar Hall/Shopping Complex ha New Hill, Jowai.
La ong ba kitei ki iing haneng, ki dang shu sah teng haduh ha kine ki sngi bad nangta sa ka tulop jong ki nongtrei, ka la sahkut la 11 bnai bad ka donkam ban shim khia da ka Jaintia Council.
Phi don ban ong eiei?