Shillong, 13 Iaiong:
Kawei ka long kmie kaba la 52 snem karta kaba la tip kyrteng kum ka kong Mina Thangkhiew ka la shah kem ha ki katto katne ngut ki briew na ka thaiñ Pyn ursla namar ka jingthok pisa jong ka. La kynnoh ba katei ka longkmie ka dei kaba ju mlien bha ban thok pisa na ki briew ka thaiñ Pynursla bad la buddien ia ka iaid ka ieng jong ka bad la ioh ban kem ia ka na Shillong mynta ka sngi bad kham hadien la leit ban aiti sha ki pulit ka Pynursla Police Station.
Haba ia kren bad u Rupang u OC ka Pynursla PS u bah M.K Rymbai u la iathuh ba u la ioh jingujor ba katei ka briew ka la shim pisa na ki 4 ngut ki briew kawei T.2oo tyngka bad kawei pat T.500 tyngka bad ka khlem pynphai shuh katba sha ki ar ngut kiwei pat ka la dep pynphai. Katkum ka jingong u OC u la ong ba la ithuh ba katei ka briew ka dei kaba shu shang makia tang ban ioh bam, u la iathuh ba ka ju leit sha ki dukan jong ki briew ban phah shon kot da kaba ai daw ba donkam ha ki jingiaseng bad ka ju pan pisa ruh da kaba kular ba kan sa wan pynphai biang ha ka por ba ka wan shim hynrei ka shu jah la ka jah beit kumto.UOC u la iathuh ba mynta ka sngi ki pulit ki leit rah ia ka sha kashari bad mynta ka don hapoh Judicial Custody na ka bynta ban shah tohkit.
Phi don ban ong eiei?