Shillong, 15 Jymmang:
Hynnin ka sngi ki pulit ka Pynursla kila kem ia uwei u nonghikai ba hikai ha ka skul ha Maw lynnong halor ka jing kynnoh ba u la leh sang ia I khynnah skul ba dang 6 snem ka rta.
Katkum ka jing ai khubor na u SDPO Bah Ian Swer, ia une u nonghikai ba la tip kyrteng kum u M Kephrin Karlatang uba hikai ha CNI LP skul Mawlynnong la kem hadien ba la ujor ejahar da u secretary ka Shillong Pastorate Committee All Saints Cathederal, CNI Shillong u Pastor Archibald S Kharpuri lem bad kiwei.
Katkum u SDPO une u nonghikai u la leh sang bad pyrshang ban leh beijot ia Ine I khynnah skul ba dang 6 snem ka rta hapoh kamra hikai kompiwtor ha ka 22 tarik Lber, 2016.
Katkum ki pulit une u nonghikai u la phla ba u la ju leh teng ia kane kam sang ha ki snem ba la dep ruh ia ki khynnah skul bad na ka liang ki pulit ki la phah sha Kashari ban shim bishar ia u.
Ha kawei ka jingjia, ki pulit ka Mawsynram ki la kem ia uwei u khynnah 15 snem na shnong Kenbah Malai halor ka jingujor ba u la leh beijot ia iwei I khynnah 6 snem ha iing jongu hi ha ka 14 tarik Jymmang. Katkum ki pulit une u briew u la shah kem teng ruh ha u snem 2013.
Phi don ban ong eiei?