Tura:Uwei u nongkhaii na  Hat Singimari ha Assam, ula shah rahbor ha ki ehrang bad katei ka dei kaba la suba jur, hadien ba um shym la leit phai satia sha ka kali jongu, kaba u pyndonkam ban thied mar na Dimapara kaba don ha Dalu jong ka West Garo Hills District.


La iathuh ba U Shamshul Haque, u leit sha Dimapara ha ryngkat bad u nongniah kali jongu, hynrei la iathuh ba ki don arngut ki briew kiba shong ka da thuk thuk, kiba la wan shaw ia u, na ka bynta ban leit peit ia ka mar ha kawei ka jaka bad hadien kata, un sa wan phai pat.

Haba um shym la wan phai, ka la don ka jingsuba, ba ula shah rahbor bad u nongniah ula pyntip sha ki pulit, ha kaba ki la wad ia utei u nongniah, tangba haduh mynta, kim shym la ioh ksai eiei ruh em.