Shillong, 17 Jylliew:
Ka Kashari jong ka Special Judge (Narcotic Drugs and Psychotropic Substances Act) ka la rai pynrem ia kawei ka long kmie ka Suman Deb ban set along 10 snem halor ka jingdonkti ban khaii drok ha ka nongbah.
Ha ka 13 tylli u Jyl liew, ka Kashari ka la pynmih ia ka hukum ba la rai pyndem ia ka Deb bad ka set along 10 snem bad ka kuna kaba T.1 lak. Ka Kashari ka la ong ba kane ka mukotduma kan hap ban shong along shuh sa shi snem lada kam lah ban siew.
Ka Deb ka dei ka nongshong shnong ka Lapalang ka Shillong ka la shah kem ha ki pulit ka Shillong na Rynjah ha ka 28 tarik Iaiong, 2010 katba ka dang die tuh ia u dawai drok Spasmoproxyvon. Ki pulit ki la pynlong ia ka jingkynra ia ka iing jongka bad la ioh kurup ia ki drok.
La pynngat ia ka ha ka NDPS Act bad hadien ba la pynlong ia ka jingtohkit, la lap ia ka jingshisha bad la pynngat ia ka bad la rai pynrem da ka Kashari.
Ia kane ka mukotduma la pynlong ia ka jingtohkit da u SI u Subir Sangma. Ia kane ka jingtohkit la pynpeit da u Dy SP (crime) Bah Vivek Syiem, uba dei mynta u SP (city) ka East Khasi Hills.
Phi don ban ong eiei?