U dei u briew, uba ia syriem dur thik bad U Narendra Modi, myntri rangbahduh ka Ri bad ha ka elekshon 2014, U Abhinandan Pathak, ula trei bor bah ban kyrshan ia ka seng Bharatiya Janata Party (BJP); hynrei mynta U Pathak, ula rai ban nym kyrshan shuh ia ka BJP bad un kyrshan noh ia ka Congress.
“Nga lyngngoh ia kaei kaba ka BJP, ka leh ha kine ki sngi, namar ba kam iahap bad kaei kaba la kren bad pyrkhat da U Narendra Modi bad mynta ka pyni ba kine ki briew, ki la kylla long ki riew eh dohnud” ong U Pathak.
U Pathak, u iathuh ba ki briew ki wan tur sha u bad ki kylli jingkylli “Shaei kita ki sngi kiba bha “acche din kab aenge?” bad ula ong shuh shuh “Ki briew ki la tar ia ki jain jongnga, ki la thab ianga bad ki la tim la tla ianga” ong shuh U Pathak.
U Pathak, u ong ba um don daw eiei ban kren pyrshah ia u myntri rangbah duh, namar ba ula pyni ia ka dur ka dar jong ka India, ha khmat ka pyrthei. “Kaei kaba nga pyrshah, ka dei bad ka seng jongu” ula ong shuh shuh bad ula ong ruh ba ka BJP, buh mynta ia la ka jong ka prokram ‘Mann ki Baat’ bad kam kwah satia ban sngap ia kaei kaba u paidlang ka Ri India, u ia kynduh jingeh ha kine ki sngi.