Shillong:U Symbud myntri rangbah ka jylla u bah Prestone Tynsong ha ba ia kren bad ki lad pathai khubor u la iathuh ba ka sorkar jylla ka don jingthmu ban khang noh ia ka tnad jong ka State Housing Board namar ba kane ka tnad kam don jingmih eiei.
U bah Prestone u ba dei u myntri ba peit ia kane ka tnad u la ong ba ka tnad State Housing Board kam don jingmih eiei hynrei ka sorkar kan hap ban pynlut palat T. 1 klur shisnem u snem tang na ka bynta ban siew ia ka tulop ki nongtrei jong ka ne ka tnad kiba don ym duna iaka 30 ngut.
U bah Prestone u la ong ruh ba halor ka rai ban pynduh noh ia kane ka tnad na ka liang jong u, kum u Myntri ba dei peit ia kane ka tnad shen yn sa rah ha jingialang Cabinet ban rai ia ka ne ka bynta.
Haba dei bad ka jing ioh biang ka tnat iaka ram na ki briew ki ba shim ia ka ram na kane ka tnad, u bah Prestone u la ong ba ka tnad ka ju ioh biang ia ka ram na ki nong shim ram hynrei ka jing ioh pat ka long ka ba suki.
U la ong ruh ki briew mynta ki shim ram beit na ki Bank ban tei ia ki ïng bad ka jing suk palat ka jing ioh ram na ki Bank ka wan rah iaka jing duhnong ia kane ka tnad bad ia ka sorkar kaba bei pisa ia kane ka tnad.
Phi don ban ong eiei?