Shillong:Mynhynnin ka sngi ka Rev. J.J.M Nichols Roy Memorial Commit tee hapoh ka jing ialam jong u Bah Ransom Sutnga, kum u shongknor ka committee, ki la rakhe kynmaw burom ïa ka sngi kha ba 139 snem jong u kpa ka Sixth Schedule u Rev J J M Nichols Roy ha ka jing ïalang ha Qualapaty.
Ha kane ka jingrakhe ïa kane ka sngi kha, na ka liang jong ka komiti ka la pynkup burom ïa ki samla pule, kiba la pass bha na ka skul kaba la seng da u tei u riew rangbah jong ka Jaitbynriew bala pyn sah nam da kaba pynïoh ïa ka Sixth Schedule ka riti synshar ka Ri India ban ïada kyrpang ïa ki riewlum.
U Bah Hoji Suting General Secretary ka komitti, u la ïathuh ba ïa u Rev J J M Nichols Roy la kha ha ka shnong Mawsawiat kaba hab hapoh jong ka Shella Confederation ha ka 12 tarik u Jylliew 1884 bad u dei khun ksiew jong u Syiem Tirot Sing ka Hima Nongkhlaw.
Ha u snem 1897 ba don u Jumai bah, ka ïing ka sem jong u J J M Nichols Roy kam shym la julor haduh katta katta ka dang long ban shong ban sah, hynrei na ka bynta ka jingshngaiñ kila kynriah noh sha ka shnong bad ha u snem 1889 la leit ban pule noh sha Kolkatta Scotties College.
Naduh katei ka por u la ïoh ïa ka nam ba u long shisha u riew saiñ pyrthei ba khraw tam ba kum ka jaitbynriew Khasi bad Jaiñtia kala sei ha kaba u la shah jied ban long u dkhot ka “Constituent Assembly” ka dorbar bah jong ka Ri India bad dei uwei na ki shiphew ngut na ka jylla Assam ban don ha ka kommitti ban pynïoh ïa ka Sixth Schedule.
Ha kane ka sngi la don lang ki dkhot jong ka Rev. J.J.M Nichols Roy Memorial Committee, ki nongïalam na ka Balang u Blei, ban ïa donlang ha kane ka jingkynmaw burom ïa kane ka sngi kha ba 139 snem jong u tei u riew khraw jong ka Jaitbynriew Khasi bad Jaiñtia.
balei kat ia I bah JJ Nichols Roy, Syiem Tirot Singh,Thomas Jones bad kiwei2 ba khraw kum ka jaidbynriew khasi ngim ai ka nam bad burom kumba ki dei hok ban ioh.Lyngngoh iaki Gandhi bad history kiwei ngi smat pule.
ko jaidbynriew khasi plie noh ki Kamat.