Shillong, 13 Jylliew:
U President ka Bharatiya Janata Party jong ka jylla Meghalaya, u Ma Shibun Lyngdoh u la wan ban ia don bynta ha ka jingialang kaba ar sngi jong ka ‘National Executive Committee Meeting’ jong ka Party ia kaba la pynlong ha Allahabad. Katkum ka kyrwoh na u Bah David Kharsati, General Secretary BJP u la pynpaw ba u ma Shibun ha katei ka jingialang u la kren na ka bynta ki jingeh kiba ka jylla ka mad khamtam ha ka jinglong kynrum kynram ka kam sain hima ha ka sorkar jylla ba la ialam da ka Congress.
Ha katei ka jingialang hadien bun ki jingiakren, ki nongialam jong ka Executive Committee ki la bthah ia u President ban trei na ka bynta ka bha ka miat jong ki paidbah khamtam kiba rit ba ria bad ban peit pyrman halor ki rukom treikam bad ka jingpyniaid beit ryntih ia ki skhim lyngba ka sorkar hapoh ka jingialam u Modi na ka bynta ki paidbah.
Phi don ban ong eiei?