Shillong, 14 Naitung:
Kiba ha ing hasem jong ka kong Dissency Syiem, ki la ujor pyrshah ia ka Civil Hospital, Nong stoin namar ba kam shym la pynrung ia ka kong Sissency hapoh Hospital bad na katei ka daw i khyllung ba ka la pun i khlad noh ha kynti na Nongstoin sha Shillong.
Ki la ujor ba katei ka Hospital kam shym la ngeit ia ka jingbthah ki ba haing, ban pynrung ia katei ka longkmie sha hospital, hynrei ki bor pyniaid Hospital, ki la kyntait ban sumar bad ki la ong ba donkam ban pynkit sha Shillong, hynrei ha lynti katei ka longkmie ka la kha bad i khyllung i la khlad. Ki bahaing ki la iathuh shuh shuh ba ki doktor katei ka Hospital kim treh ban sumar ia ka kong Dissency bad ki la ong ba ka don jingpang bad ki la bthah ia ka ban leit kha sha Shillong.
Ki la kynnoh ruh ba haba ki bahaing ki la pan kali kit nongpang, Ambulance ki doktor ki la ong ba ym don Ambulance, ki la iathuh ba ha ka kut lad ki la ioh da ka Ambulance private bad ki la kyrpad biang ia u doktor ban phah kawei ka Nurse ban leit lang bad utei u Doktor u la jubab biang bay m don nurse ha Hospital.
Ha ka kut lad ki ba ha ing ki la kit hi ia ka kong Dissecy sha Shillong, hynrei ha shiteng lynti ka la kha bad i khyllung ki la khlad bad mynta ka sngi ki bahaing ki la ujor pyrshah ia ka Civil Hospital, Nongstoin.
Phi don ban ong eiei?