Shillong, 18 K’lyngkot: “Wat ju pdiang ia kiba pynbam sap, ka India ka dei ban pynkut noh ia ka jingbam sap”, la ong u Lat ka jylla u V.Shanmuganathan haba kren kren kum u kongsan ha ka jingpynkut ia ka jingrakhe ia ka National Youth Week ha Raj Bhavan.
U Lat ka jylla u la pynkynmaw ia ki riew lenlade kynthup ia u Swami Vivekananda bad kumjuh kum u nongialeh laitluid bad u nongthaw thymmai ka India. U Lat ka jylla, u la kyntu ia ki samla ban bud ia ki nuksa jongu ha ka jingim, ka rukom pyrkhat, bad ki nongmuna jong ki riew khraw kynthei bad shynrang kiba pynlong ia ka India kaba khraw.
U Lat ka jylla u la kyntu ruh ia ki samla ban pynrung ia ka rukom pyrkhat, ka jingaiti jong une u riew khraw ha ka jingim. U la ban jur ia ka jingdonkam ban peit bad iarap ia kiba donkam shisha, kiba duk bad kiba kynduh jingeh.
“Ki samla ki dei ki nongtei bad lawei jong ka ri na ka bynta ka lashai lashi sngi ka ri”,u la ong.
Ha kane ka sngi la pynlong ruh ia ka jingrwai, ka jingshad ba la ai da ki samla pule.
Ia ka sngi ki samla ha ka ri ne ka National Youth Day la rakhe ha India man u snem ha ka 12 tarik Kyllalyngkot ban kynmaw burom ia ka sngi kha jong u Swami Vivekananda.
Phi don ban ong eiei?