Ki 8 ngut ki MP, ki la weng noh ia ka jingshoh pyrshah jongki, ha phyllaw ka Parliament mynta ka step, da kaba ki ia shim bynta lang bad ki liang pyrshah ban nym leit sha iing dorbar, naduh mynta ka sngi. Ki MP liang pyrshah, ki dawa ba dei ban weng noh ia katei ka jing sospon ia ki 8ngut ki MP, da U Chairman ka Rajya Sabbha.
Ha kawei pat ka liang U Harivansh, Deputy Chairman ka Rajya Sabbha, ula sdang ban shah thngan, na ka bynta shi sngi kynthih bad ka daw, ka long ba u sngew ba ula shah leh niewbein ha ki liang pyrshah sorkar ha ka iing dorbar jong ka Rajya Sabbha.
Ha ka shithi sha U Chairman, ka Rajya Sabbha, U Venkaiah Naidu, U Deputy Chairman, u ong ba u duh thiah duh dem, man ka por, namar ki jing kynrum kynram ha iing dorbar Rajya Sabbha.
U Harivansh, u ong shuh shuh ba un shong shah thngan, na ka bynta shi sngi kynthih, ka ban kut haduh lashai ka sngi.
Phi don ban ong eiei?