Shillong, 11 Naitung:
U Executive Member (EM) ka KHADC u Bah Latiplang Kharkongor u la ong ba un sa buh pro kram shen ban leit kyn dang trading license sha kiwei kiwei ki jaka nabar ka sor Shillong.
Hadien ba la kyn dang ha ki bynta bapher bapher ka sor ha kine ki sngi, u EM u la pynpaw ba um lah ban shong kli kti ban shu leh tang ha sor Shillong namar ba bun ki jaka sha ki thain Ri-Bhoi, West Khasi Hills ruh, ki don bun ki bar jylla kiba leh ia ki kam khaii khlem da ioh trading license na ka KHADC.
“Ngan sa buh pro kram shen ha kine ki sngi ban leit khynra sha kiwei kiwei ki jaka jong Khasi Hills”, la ong u Bah Latip lang haba iakren mynta ka sngi bad u nongthoh khubor. Katkum ka jingong u EM, ka EC hapoh ka jingialam jongu, kan nym map satia ban kyndang ia ki bar jylla kiba leh ia ki kam khaii khlem da ioh ia ka trading license na ka Council.
“Ki trai dukan Khasi kiba aiwai ha u bar jylla bym don trading license, ki dei ban beh shi syndon bad ka Council lada ka lap, kan khangbeit bad kan shah ban plie biang tang lada ki ailad ia ki Khasi ban buh dukan”, la ong u Bah Latiplang. U la ong ba baroh kito ki dukan kiba la dep kyndang ha kine ki sngi, ym shah ban plie biang lada kim shong ne aiwai ha ki Khasi.
Phi don ban ong eiei?