Shillong, 12 Jylliew: Hadien ba la saphriang ki khubor ba u ruti u dei u jingbam uba lah ban pynioh pang Cancer bun ki paidbah ki lapar niangkhriat bad bun kiba la kiar ban bam ruti. Katei ka khubor ka la pynkyndit thiah ia ka sorkar jylla ha kaba ka tnad ka koit ka sorkar ka la ong ba shen kan sa phah Test noh ia ki ruti kiba die ha kane ka jylla, hato ki dei ne-em kiba don ia kita ki dawai (Chemicals) kiba lah ban pynioh pang Cancer.
U myntri ka koit ka khiah u bah A.L Hek haba kren sha ki lad khubor u la ong ba u la dep ban ia kren ia katei ka kam bad u Commissioner of Food Safety bad un sa bthah ia u ban wad bniah la u ruti ba ki paidbah ki bam ha kane ka jylla u dei ne-em uba don ia u Potassium bromate u Chemical uba pynioh pang cancer bad ban wad jingtip ruh la u don ne-em u potassium iodate u Chemical ba lah ban pynioh pang Thyroid. Lah ban kdew ba kiba bun ki ri kumka Japan,China bad ki ri ha Europe ki la khang ban pyndonkam ia u Potassium bromated hynrei lalap ba ha ri India ha Delhi ba utei u dawai Chemical u don hapoh u ruti.
Phi don ban ong eiei?