Shillong: Ka Women Organisation of Ri Bhoi District (WORD) kaba dei ka seng treimon sngewbha kaba shakri kyrpang na ka bynta ki longkmie, ki samla kynthei bad ki heprit kynthei kynthup ki khyllung ha ka thaiñ Ri Bhoi kan pynkup burom ïa ki samla pule kynthei kiba pass bha ha ka eksamin SSLC bad HSSLC ha ki board bapher bapher jong u snem 2019 bad kumjuh ruh ïa kito kiba la wanrah nam ha ki kyrdan jingpule ha ki skulbah, ki kynthei kiba la wanrah nam ha ki jingïalehkai bad ha kiwei ki rynsan kaba long kum ka dak ban wanrah burom bad ban pynpaw ïa ka thaiñ Ri Bhoi sha ka pyrthei.
Lyngba kane ka kyrwoh, ka WORD ka kyrpad ïa ki para longkmie, kynthei samla kiba la kot sha katei ka thong ban wanrah ïa ki kot ki sla sha ka ophis treikam kaba shipor jong ka seng kaba don ha Umsning proper B hajan ka skul Eden Sec. School lane ha ka ïingsah jong ka President ka seng, ka kong Jean Kylla ne ban telephone ha ki nombor ba ai harum hapoh ka 25 tarik Naitung, 2019.
+917627983161 – WORD President
+917005923597 – WORD General Secy
Phi don ban ong eiei?