Nongpoh: Katto katne kynta hadien ba ki Pulit ka Ri Bhoi ki la ioh ban kem ia u Samla Ferdynald Kharkamni, Presidident ka KSU, North Khasi Hills District, namar ka jingshah thwet ha ki Pulit, namar ba u la shah kynnoh ba u la donkti ha kaba ktah kti ia u OC bad Head Constable ka Umiam Police Station,mynta ka janmiet la iohi ba bun ki nongialam ka KSU ha Ri Bhoi, ki la leit ban synran ia utei u nongialam uba la shah set shipor hapoh ka Nongpoh Police Station.
Haba iadei bad katei ka jingjia, na ka liang ki nongialam ka KSU, NKHD, ki la ong ba ia mynta kim pat lah ban ong lane ban pynpaw ei ei, namar haba iadei bad katei ka jingjia, ka KSU, NKHD kan sa shong pyrkhat bad ka KSU, Sengkmie na ka bynta ban shim ia ka rai.
Lah ruh ban kdew hangne, ba u Samla Ferdyland Kharkamni, u la shah thwet jur mynta la jan shibnai kynthih ha ki Pulit, kata hadien ba utei u nongialam ka KSU, u la shah ujor da ka ejahar ha ki pulit ka Umiam Police Station, hadien ba ki la kynnoh ba u la ktah kti ia u OC lem bad ia u Head Constable hapoh jong katei ka Police Station, hynrei dei tad hynne ka janmiet ba ki Pulit ki la ioh ban kem noh ia u.
Phi don ban ong eiei?