Ka Myntri jong Sorkar pdeng kaba dei khmih ia ka Women & Child Development, ka Maneka Sanjay Gandhi kan wan ban jngoh ia ka nongbah Shillong ha ka 18 tarik, Iaiong 2016. Ha kane ka sngi, ka myntri kan plie pyrda ruh ia Regional Conference ka ban long shisngi lynter lem bad ka jingiadon lang jong ka North Eastern States jong ka Child Adoption ka ban long ha State Convention centre (Auditorium), ka ban sdang naduh ka por 9 baje mynstep. Ia kane ka conference yn pynbit pynbiang da ka Ministry of Women & Child Development, jong ka Sorkar India. Ki Minister uba dei khmih ia ka Social Welfare and Women & Child Development jong ki jylla North East kum ka Aruna chal Pradesh, Assam, Manipur, Meghalaya, Mizoram, Nagaland, Sikkim bad Tripura, u khmih lynti ba kane ka prokram kan long kaba jop bad seisoh.
La khmih lynti kumba 400 ngut eiei ki delegate kin poi ha kane ka sngi kynthup ia ki dkhot kiba don kiba kwah ban wan kum na ka State Adoption Resource Agencies (SARAs), District Child Protection Units (DCPU), Child Welfare Committees (CWCs), Specialized Adoption Agencies (SAAs) bad ka Child care Institutions (CCIs) kiba don ha ka jylla North East baroh kawei nalor ki Senior Officers na ka ministry of Women & Child Development, Central Adoption Resource Authority (CARA) lem bad kiwei de ki department jong ka jylla Meghalaya.
Ia kane ka conference ya pynlong kum shi bynta ban pynshai ia ki nongtrei jong ka Adoption prokram ha ki jylla North East shaphang ki lynti trei kam kiba iadei bad ka jingting khun katkum ka Juvenile Justice (Care and Protection of Children) Act, 2015 bad ban pynsngewthuh ruh ha ki shaphang ki rukom treikam jong ka jingting khun katkum kane ka ain jong u snem 2015, bad ruh ia ki rukom ting khun ba wan lyngba ki lad internet lyngba ka Child Adoption Resource Information and Guidance System (CARINGS).
Phi don ban ong eiei?