Jowai, 16 Nailar:
Ki pulit ka nongbah Jowai mynta ka sngi ki la ioh ban kurup haduh 25 synduk (case) ka Kyiad Beer napoh kawei ka Nala kaba don hajan ka OK Bounded Warehouse, Newhill Jowai.
Ki pulit ha ka 6 tarik ki la ioh pdiang ia ka jingujor na u trai ka OK Bounded Warehouse (jaka Stock Kyaid), u ma Khroo Kyndiah ha kaba u la ujor ba ki don ka kynhun kiba la tuh ia ka kyiad Beer haduh 60 case ha ka meit 5 tarik por 10:30 pm eiei. Ia kane ka jingujor u ma Kyndiah u la buh ha thanad Jowai ha ka 6 tarik.
Hadien baki pulit ki la ioh ia katei ka ejahar, ki la sdang ban tohkit bad ha ka jingtohkit ki la lap ksai ba la buhrieh ia katei ka Kyiad Beer hapoh ka Nala lane Nur kaba dap tang da ki jakhlia suda.
Mynta ka sngi la tih la khyndang ia ki katto katne tylli ki jingtap katei ka Nala bad la iohsei haduh 25 case ka beer Asia 72. Ki pulit ki ngeit ba 35 case la dep die sha iew die kyiad be-ain.
Hynne ka sngi ki pulit ruh ki la ioh bat ar ngut kiba la suba jur ba ki donkti ha katei ka kam ban tuh ia katei ka kyaid napoh ka trok jong u trai katei ka jaka stock kyiad.
Kitei ki arngut ki kynthup ia u Franky Dkhar bad u Balwan Singh Dkhar kiba kam ba kidei na ka shnong Puriang, EKH.
Phi don ban ong eiei?