U nongialam jong ka seng BJP, ula pynmih ia ka jingjyrwit kaba jur mynta ka kynti, da kaba u ong ba katei ka seng, kan pynioh kynthei samla, na Bihar, khnang ba ki shynrang kin ioh ia poi kha ha Haryana.
Ka Haryana, ka dei ka Jylla, kaba don shibun ka jingiapher ha ka jingdon ki shynrang kynthei bad la iathuh ba ki don tang 879ngut ki kynthei, na ka bynta ki 1,000ngut ki shynrang, katba kum ka jingkhein briew jong u snem 2011.
Katei ka dei ka jing kren jong u nongialam ba rangbah jong katei ka seng, uba dei ruh u nong ialam jong ka National Ki san Morcha, U OP Dhan khar bad katei ka jingkren, ka la pynbitar jur ia u paidlang jong ka thain Purvanchal, ha kaba ki la dawa, ba u dei ban pan map.
U Dhankhar, ula kren ia kitei ki kyntien, ha ka jingialang paidbah ha ka sngi thohdieng ba ladep, kaba la long ha Nirvana, ha kaba ula ong ba lada ka BJP, kan wan ha ka bor, un thaw lad ban pyn ia shong kurim lut ia ki shynrang, kiba don ha katei ka Jylla, da kaba wan rah kynthei samla na Bihar.
Na ka liang jong u paidbah, uba don ha Purvanchali, ula byrngem ban pynlong, da ka jingiakhih paidbah bad hadien katei ka jingshah byrngem, U Dhankhar, ula ong, ba la shu thoh bakla, na kaei kaba dei ka jingkren ba shisha jongu.
“La kynnoh bakla da ki kotkhubor. Nga shu ong, ba ia ki kynthei, kiba la kit ban die met sha Haryana, na ki jaka ba duk jong ka Bihar, dei ban niew burom bad ailad ba kin ia poi kha bad ki shynrang hangne” ong U Dhankhar.
Phi don ban ong eiei?