Kawei ka samla kaba dang hapoh ka 20 snem karta ka la phasi ialade tang na ka daw ba ka Brazil ka la shah rem kput ha ka Germany ha ka jingia khun Semi phainal , katei ka samla ka dei ka nong kyrshan ba radbah ka Brazil ha kane ka jingialehkai World Cup 2014.
Ka Pragya Thapa, 15 snem karta , ka dei ruh ka khynnah samla ba dang pule ka ka klas X, ka la bthat jubor ia la ka jong ka jingim ha u tyllai phasi ha ing sah jong ka hi kaba don ha ka shnong Bharaul bad kaba jngai kumba 250 mile na ka nongbah Kathmandu ha Nepal.
Katei ka samla ka la leh ia katei ka kam hapoh kamra thiah jong ka hi, la lap ia ka da ka kmie jong ka katba ka met ia ka dang sah ldui ha suin naba la teh tyllai phasi ha jrong sad. Ka Thapa ka la ia shong ia sah ryngkat bad ka kmie, mei ieit paieid bad ha katei ka por ba ka la leh ia katei ka kam , u kpa jong u um don ha ing bad u dang don ha ka jaka trei jong u.
La iathuh ba katei ka samla khyndiat por shuwa ban kan shim ia katei ka rai ban bthat jubor la ka jingim ka don hapoh kamra lajong bad ka dang khreh kot, bad hadien kaatto katne por ba ka la ia thuhkhana bad ki para lok jong ka shaphang ka phutbol kaba la Brazil ka la shah rem, ka la leh ia katei ka kam.
Ki pulit ki la ong ba mynta ki dang tohkit ia katei ka kam, bad mynta la phah ia ka metiap jong ka ban leh ia ka Post Mortem. ‘Ka tei ka smala ka thrang eh ba ka Brazil kan poi sha ka phainal, hynrei ka la shah rem noh ha ka Germany’ ong u Sharad Thapa uwei na ki heh pulit ka Nepal.
Ki la don ki paralok jong ka kiba la pynshrai bad pyndodm ia ka ba ka ia shah Brazil, hynrei ha ka step kaba bud ka la shim pynban da katei ka rai ban phasi ialade hapoh kamra lajong’ ong u Thapa uba la iathuh ruh ba ka Pragya ka dei ka khynnah kaba sngewtynnad bha ha ki jingialehkai Sport, bad ka dang pule dha ka klas X ha Morning Star Boarding School hapoh Itahari.
Phi don ban ong eiei?