Shillong,10 Naitung:
U Myntri Rangbah ka jylla u Dr.Mukul Sang ma ha ka jingiakren bad ki nongthohkhubor mynta ka sngi ha Secretariat u la ong ba ka sorkar pdeng ka la bthah ba ka sorkar jylla ka dei ban sangeh noh ia baroh ki jingiakren ia suk bad ka seng lehnoh ka GNLA. “ Ngi la ioh ia ka jingkyntu na ka sorkar pdeng ba kat ym don shuh ka jingiakren ia suk bad ka GNLA” ong u Dr.Mukul haba kren sha ki nong thohkhubor.
u Dr.Mukul u la ong ba ka sorkar pdeng ka la bthah ba ka sorkar jylla kam dei shuh ban ia kren ia suk bad ka GNLA, u la ong ba ka sorkar pdeng ka la kren shai ba baroh ki seng lehnoh ki dei ban sangeh shisyndon ia ki kam pyntriem lada ki kwah ban ia kren ia suk bad ka sorkar.
Haba pynkynmaw ba ka sorkar jylla ruh ka la khot ban wan shakhmat ia ki seng ;lehnoh kiba leh ia ki kam pyntriem ha Garo Hils u Dr.Mukul u la ong ba nalor ba la pynkynmaw ia ki bad khot ia kren ki dang bteng pat ban leh ia ki kam pyntriem kum ki jingrahbor, ki jingpyniap bad ki jinglute.
U Dr.Mukul u la ong ruh ba dei sa tang ki jingpyndem wait kaba lah ban wanrah biang ia ka jingsuk ki lehnoh kiba leh ia ki kam pyntriem ha kylleng ka Ri-Lum Garo.
Kiwei pat ki lad khubor, ki iathuh ba ka sorkar pdeng ka la ai ksai sha ka sorkar Meghalaya ba kam kwah ban khot iakren ia ka seng lehnoh ha kane ka jylla ka Garo National Liberation Army (GNLA).
“Ka sorkar ka la ai ksaw ia ngi ban nym bunkam ban pyrkhat khot iakren bad ka GNLA”, la ong u Myntri Rangbah u Mukul Sangma. Kham mynshwa hadien ba la ioh ia ka jingtyrwa na ka GNLA, ka sorkar ka la phah ia ka jingtyrwa sha ka sorkar pdeng ia ka jingkwah iakren kane ka seng.
U Myntri Rangbah u la ong ba ka jingbym treh ka sorkar pdeng ban khot iakren ia kane ka seng namar ba ka dang bun kam ha ki kam runar.”Ngan sa peit ia ka jingai ksai ka sorkar pdeng halor kine ki kam beain ka seng”, la ong u myntri rangbah hynne ka sngi Palei.
“Wat hadien ba ka sorkar ka la iai kyntu ba kin nym leh ia ki kam beain hynrei kane ka seng beain ka la iai leh ban pyniap briew, ban rahbor, dawa pisa bad pynshong syier ia ki paidbah”, la ong u Myntri Rangbah.
Ha kajuh ka por u Myntri rangbah u la kyntu ia kine ki seng beain ba ki dei ban wan shakhmat ban im kum ki briew bad ban sangeh ia ki kam runar jong ki.
Phi don ban ong eiei?