Shillong, 9 Naitung:
Tang mar ia kynjat shai ka bneng bun bah ki paitbah nongshong shnong ba sharum jong ka Pynursla ki la phone sha u Rupang ban pynpaw ia ka jingbitar namar ka jingbym ioh peit World Cup ha ka jingiakhun Semi Final ka ba la long mynta ka miet hapdeng ka Brazil bad ka Germany. Kitei ki paitbah ki la byrngem ruh ia ka tnad ai bording ka ba leh shiliang khmat ia katei ka thain namar ba kim shym la ioh lang ban lehkmen ia ka World Cup kumba ioh lem kiwei ki dong bad ki shnong.
Ki la don shibun bah ki rangbah na Pongtung, na Nongshyrngan, Nohwet bad ki shnong ba marjan ki ba la phone sha u nongthoh khubor halor katei ka jingjia bad ki la byrngem ruh ia ka tnad MeECL ba ha ki jingialehkai phutbol nangne sha khmat kam dei ban pynduh light ia kitei ki thain.
Ha ka jingiakren bad u nongthoh khubor katto katne ngut ki rangbah na kitei ki shnong ki la ong ba ka bording kam shym la poi ha ka por ba biang bad ki la ioh ban peit tang kumba 15 minit ha katei ka jingialehkai semifinal.
Phi don ban ong eiei?