Shillong, 12 Jylliew:
Ka Integrated Development Basin Development (IDBL) ryng kat ki khynnah skul bad nongshong shnong ka shnong Pyrnai myn ha ka sngi Saitjain ba ladep kila thung dieng palat ia ka 20000 tynrai ha kane ka shnong ha ka jaka kaba la shah sngewbha da u Bah Bise Khongtim. U Chaimran jong ka IDBL haba kren bad ki lad pathai khubor u la ong ba kine ki dieng symbai kiba la thung ha kane ka jaka ki dei kiba la sara da ki briew ha kane ka shnong, hapoh kine ki phra bnai ki la sara haduh 25000 tynrai bad mynta ka sngi kiba la thung ha kane ka jaka ki long palat ia ka 20000 tynrai.
“Ban pynneh pynsah ia ki khlaw ki btap ka long kaba donkam ia ka jingiatreilang bad ki shnong ki thaw”, la ong shuh shuh u Chairman ka IDBL bad ua la ong ruh ia kane ka jaka ba la thung dieng mynta ka sngi na ka liang jong ka ophis kan ai jingkyrshan namar ba ia kane ka jaka yn peit yn sumar da ki bor jong kane ka shnong. Ha kane ka sngi u Bah P S Dkhar Deputy Commissioner jong ka East Khasi Hills u la ia don lang ha ryngkat ki heh jong ka IDBL bad ki khynnah skul, rangbah shnong bad nongshnong shnong ban sakhi ia kane ka sngi.
Phi don ban ong eiei?