Shillong, 12 Jylliew:
Ka HNLC, ka ai khublei ia ki paidbah, kiba la ia trei lang, ban pyn urlong ia ka pakhang shnong, kaba 24 kynta jong ka seng, kaba la pynlong ha ka 10 bad 11tarik Jylliew 2014.
Ka HNLC, ka ong ruh ba ka jingpynkhreh ia kata ka ain mar poh khyn dew, ka long kaba tang ka kyrteng, hynrei, ka bym ju don ba shim khia satia da ka sorkar Jylla, hynrei ka sorkar, ka muja tang ban lum khajna, na kitei ki mar poh khyndew, kiba la pynmih da ki klur tyngka, ba la ioh klun, da kiba bun ki riew sain pyrthei bad ki ophisar sorkar.
La kynthoh ruh ba ka National Green Tribunal(NGT), ka la dei ban ai jingmaham shwa halor ka jingtih dewiong pathar, ha shwa ban pyntreikam, da ka ain kaba knieh noh ia u khiew ja jong ki riew paidbah.
Ka HNLC, ka kren shai, ba kan ieng skhem, na ka bynta ban iada ia ki hok jong ki riew paidbah, kiba shong khlem bam bad kiba la iap tyrsaw ha kine ki sngi.
Halor ka jingong jong U bah Barkos Warjri, ba ki briew, kim dei ban iatreilang bad ka pakhang shnong jong ka HNLC, ka seng ka pynshai ba ia U Bah Barkos, ka jingkhang dewiong, kam don jingktah eiei ruh em, namar, ba u bam da ka tulop sorkar. Ka HNLC, ka ong ruh ba lada ka NGT, ka iai leh, da kine ki buit pynjlan por kai, kumta khlem pep, ka seng kan sa shim da ki rai kiba kham eh bad kiba tyngeh, na ka bynta ban iada ia ki riew paidbah, ong ka kyrwoh na U Bah Sainkupar Nongtraw, Publicity Secretery ka HNLC.
Phi don ban ong eiei?