Shillong, 12 Nailur:
U Myntri ka tnad nongkyndong u Bah Sniawbhalang Dhar u la ong ba ka sorkar jylla ka dang lum ia ki kyrteng jong ki briew ban rung ha ka skhim shna iing baduk ka Prime Minister Awas
Yojana (PMAY).
U la ong ba ka PMAY ha kane ka jylla kam pat treikam namar ba ka sorkar jylla ka dang pynkhreh pynkhrum ia ki jingdonkam kumba la pruid dak ka sorkar pdeng kaba yn don ruh ka Appellate Authority ban bishar ia ki briew khamtam kito ki bym pat rung ha ka thup kyrteng.
Shwa ia kane, haba wanrah ia ka jingkylli hapoh ka iing dorbar mynta ka sngi, u MLA ka Sohra u Bah TW Chyne u la ong ba ka sorkar ka dei ban pynthikna ba ki briew kiba dei hok, kim dei ban duh hynrei ban
rung ha ka thup kyrteng ban ioh ia kane ka skhim PMAY.
Ka PMAY ka dei ka skhim ka sorkar pdeng ba la pynkylla kyrteng noh da ka sorkar u Narendra Modi na ka IAY kaba mynshwa. Ka sorkar u Modi u
la pynheh ruh ia ka jingmang pisa na ka T. 78 hajar sha ka T. 1.20 lak ban shna ia ki iing baduk ha nongkyndong.
Phi don ban ong eiei?