Shillong,10 Naitung:
Ka KSU Mawkyn roh unit mynta ka sngi k ala wan ia kynduh ia u Myntri ka tnad PWD ka jylla u Ma Sniawbhalang Dhar, bad ka la dawa b aka sorkar jylla ka de ban maramot noh ia ka surok VIP kaba pynia soh na Mawlai Maw roh, Mawkynroh-Um shing, Mawtawar sha Shillong Airport.
“Ngi dawa ba ka sorkar ka dei ban mara mot noh ia ka surok VIP kaba la pynlut haduh T.3.6 klur tyngka hynrei kaba la shah iehnoh khunswet ha ka sorkar jylla” ong u President ka KSU Mawkynroh Unit u samla S Hahshah haba ia kren bad ki nongthohkhubor mynta ka sngi.
Ka KSU Mawkynroh ka la pynsngew ruh ia ka jinglong jingman ka surok ha katei ka thain , ba ka sorkar kam shym la leh eiei bad kaba la wanrah jingeh ia ki paidbah nongiaid nongieng. Ka KSU ka la dawa ba ka sorkar kam dei ban maramot tang da kaba pyndap ia ki thliew ki syar jong katei ka surok hynrei ban siang rong syndon ia ka.
Na ka liang u myntri u la kular ia ka KSU ba un shimkhia ia katei ka kam bad shen un sa phah ia ki Enjiniar ka tnad ban leit jurip noh ia kite ki surok.
Phi don ban ong eiei?