Shillong,9 Naitung:
Ka kong Quina Ma ry Kharumnuid, ka lok jong u Emanuel A Marak, uba la khlad noh, ka la iam pangnud haba ia kren bad ki nongthohkhubor khu bor mynta ka sngi sha phang ka jingiap u lok jong ka. Ka kong Quina, mar sien dep ia kren bad ki nongthohkhubor ka la iap ler, namar ka jingtohmet bad ka jingpangnud palat shaphang ka jingiap u lok jong ka.
Haba ia kren bad ki nongthohkhubor ha ka por ba ka kiba ha ing hasem ki dang ap ia ka met iap ban pyndep ia ka post mortem, ki la iathuh ba hadien, ba U Rangbah Shnong u la ioh jingtip ba ki la don kumba 4ngut ki khynnah rit ki ba dih dendrite ki la kem ia kita ki 4ngut ki khynnah, hynrei kham hadien pat ka kyn hun ba la ialam da u Rangbah dong jong katei ka shnong u ba la tip kyr teng kum u Prick Mukhim ki la wan sha ka ing sah jong u Emanuel.
Katkum ka jingiathuh jong ka lok jong u Emanuel ka kong Quina Mary Kharumnuid, ka lok jong u Emanuel ka la ong “Ki khot beit na ing, ha kata ka por nga ruh nga don ha ka jingpang bad u lok jong nga u dang ot jhur bad ki la ong ba ngi donkam bad ki la khot ia u sha bar. Haba u la mih sha bar ngam iohsngew eiei ka la shu kynjah jar, hynrei ynda u la wanphai sha ing ki kjat jong u ki la phlei snam bad katto katne ki bynta ka met jong u. Nangta ngi la sop la spain bad na katei ka jingmynsaw ka la thaw jingpang bad ngi la rah ia u sha Hospital, hynrei ngim poi pyrkhat ba kan jia ka ba kum kane”, ong ka lok jong u Emanuel.
Haba iakren kham bniah bad ki nongthoh khubor, la sngewthuh ba ka daw ka dei namar ka la mih ka jingkynnoh na u Rangbah Shnong u bah Welcome Shangpliang ba u bah Emanuel u dei u wei na ki nongdie drok. Katei ka jingjia ka dei ka ba la jia ha ka 19 tarik u jylliew ha ka shnong Nongsder. Haba iakren bad ki nongthoh khubor ha khmat ka jaka buh metiap ha Civil Hospital, ka kong Quina Mary Kharumnuid, ka lok jong utei u rangbah, ka iathuh ba ka daw ka jingiap u lok jong ka ka dei namar ka jingshah shoh ha u Rangbah Dong ka Nongsder, Rangmen Block I u bah Prick Mukhim.
Haba kren kham bniah halor katei ka kam u nongthoh khubor, u la ioh ban iakren bad kawei na ki para marjan jong utei u rangbah ba la iap ka kong Banisha Mary Syiemiong, ka kong Banisha Mary Syiemiong ka la iathuh ba ki briew ki ba la don kti ban shoh ia u bah Emanuel ki dei u bah Prick Mukhim u rangbah dong, u bah Jes, u Lyndum ba ki ju khot u ba dei ruh u khun jong u Rangbah Shnong. Kitei ki dei kiba la wan khot ia u bah Emanuel bad shoh ia u ha ki jaka ba kynjah.
Ka kong Quina ka don arngut ki khun shynrang, u ba heh duh u don 4 snem ka rta bad u barit duh u don 7 bnai.
Hadien ka jingmynsaw ba la jur na ka liang ka lok bad utei u ba mynsaw ki la ujor sha ki pulit jong ka Damsait shaphang katei ka jingjia ha ka 3tarik mynta u bnai bad la pynkit hi ruh mar mar ia utei u ba mynsaw ha katei ka juh ka sngi. Hynrei mynhynnnin ka miet ha ka por 11baje mynmiet u la khlad noh bad ki pulit ki la phah ban leh post morterm mynta ka sngi.
Haba iakren kham bniah bad ki bahaing ki la iathuh ba na ka liang ki bor pulit wat la, la dep ban ai ka jingujor hynrei kim shym la leh eiei ne ban tohkit na utei u Rangbah ba shah shoh, ki la dawa ba ki bor pulit ki dei ban kem beit ia u Rangbah Shnong bad Rangbah Dong.
Lah ban kdew ba ia katei ka kam la wan ban tuklar da ka seng CSWO ka ba la ialam da ka kong Agnes Kharshiiing bad ka kynhun ki seng Longkmie hapoh ka jingialam ka kong Nongpluh.
Katkum ka jingiathuh ki para marjan marpa jong utei u ba la iap ki la ong ba la ioh kem ia kitei ki khynnah rit ba dih dendrite ha ka por 8.30 mynmiet katba la wan pat ban sei na ing ia u Emanuel ha ka por 11baje mynmiet.
Kham hadien la iathuh khubor, ba U Rangbah Dong bad ki 4 ngut ki dkhot ka VDP ki la shah kem ha ki pulit ka Umiam halor katei jingjia.
Phi don ban ong eiei?