Shillong, 11 Naitung:
U Myntri Rangbah ka jylla u Dr Mukul Sang ma u la ai jingmut ba donkam ban don sa ka Special Road Programme (SRP) na ka bynta kito ki shnong ki bym la kynthup ha ka skhim PMGSY ban ioh surok.
“Ha ka skhim PM GSY, tang kito ki shnong kiba don ki nongshong shnong palat ia ka 250 ngut, kin hap ha kane ka skhim. Namarkata, ka sor kar pdeng ka donkam ban don sa kawei ka skhim shna surok kaban kdup lut ia ki nongkyndong kum ka Special Road Programme khnang ba kito ki shnong bym ioh surok namar ka jingduna briew, kin ioh surok, la ong u Myntri rangbah ha kane ka sngi Palei.
U la ong ba ia mynta, la don shibun bah ki shnong kyndong ha jylla kiba duna ia 250 ngut ki nongshong shnong khamtam ha ki thain khappud.
‘Kan long kaba khraw lada ka sorkar pdeng kan thaw ia kane ka skhim”, la ong u Myntri Rangbah.
Phi don ban ong eiei?