Shillong,11 Naitung:
Ka North East Indi ginous People Federation (NEIPF), ha ka kyrwoh ba la pyllait da u Chairman u bah Marshal Biam, u la pynrem jur halor ka jing shah pyniap u samla Mani pur uba la tip kyrteng kum u Kawilungbuo Chawang 28 snem ha nongbah Delhi, uba trei ha kawei ka BPO ha Gurgaon ha kine ki sngi ba la dep.
Ha kaba ia dei bad ka jingshah pyniap utei u samla ka NEIPF ka la pyn paw ka jingsngew diaw namarba katei ka jingshah pyniap ki samla NE kam dei shuh ka sien kaba nyngkong hynrei ki dei ki jingjia kiba la ju jia na ka por sha ka por.
Ka NEIPF ka la ong ruh ba ki ba bun hi ia kum kine ki jingjia shah lehbein bad shah pyniap ki briew ka thain lam mihngi ka dei ia ki samla pule bad ki ba leit trei leit ktah sha kitei ki jaka. Ka NEIPF ka dawa jur ruh na ka sorkar kmie ba ka dei ban ai ki jingiada kiba kyrpang ia ki paidbah ka thain North East, namar na ka por sha ka por kum kine ki jait kam lehbor bad pyniap klep ki iai jia ia ki samla jong ka jylla North East, kumjuh ruh ia ki nongleit nongwan da ki rel kiba juh shah nion bein ia ki.
Ka NEIPF ka dawa na u myntri rangbah ka Ri India u Narendra Modi ba un shim khia ia kane ka kam, namar ki jylla ka thain shatei Lam Mihngi ruh ki dei hi ki jylla jong ka Ri India.
Phi don ban ong eiei?