Shillong, 8 Naitung:
Ka JHADC bad ka GHADC ki dei ban bud ia ka nuksa jong ka KHADC ba la ialam da u Bah Ardent Basaiawmoit khnang ba kan wanrah ka jingbha ia ka jylla, la ong u Bah Donboklang Shylla Sports Secretary ka HANM Central body.
U Bah Shylla u la ong ba ka ARPA ka KHADC ba la ialam da u Bah Ardent ka la pyndonkam hok ia ka bor bad ka iktiar ba ki ioh na ka 6th Schedule katkum ba la pynkup bor da ka riti synshar ka ri India na ka bynta ban ai ka jingiada ia ka jaidbynriew halolr ka khyndew ka shyiap, ka riti ka dustur bad kiwei.
Ka seng ka pynpaw ia ka jingsngewkmen ia ka EC ba la ialam da u Bah Ardent bad u EM ba peit ia ka Trade u Bah Latiplang Kharkomhor ki ba la pyndonkam hok ia ka bor ban khynra ia ka trading License ia ki bar jylla.
Ka jingkhynra trading licence ka long ym tang ba ki pyndonkam hok ia ka bor ba la ioh na ka 6 schedule hynrei ka wanrah ruh ka jingkyrmen ia ka jaidbynriew.
Ka la ong ba la don ka jingiakren katno ka jingsngew sangsot kum ki trai shnong ki la shu shong ha madan namar ba ki la kyrduh jaka ha la ja jong ka shnong khamtam ha Iewduh bad ha kiwei ruh ki jaka sor namar ha ki iing paki dulan la shnong da ki bar jylla.
Hynrei kumba ka long mynta ka don ka lad ia ki para doh para snam bad don ruh ka jingkyrmen ia ka jaidbynriew kiba im kamai jahkpoh da kaba die jingdie namar ka EC mynta ki la pyni shisha ia ka bor bad ia ka jingkitkhlieh jong ki ia la ki jong ki jaidbynriew.
Phi don ban ong eiei?