U MP ka Bharatiya Janta Party u Sakshi Ma haraj, haba kren sha ki nongthohkhubor mynta ka sngi u Blei u la kynnoh ki Madrassas ki ai jinghikai halor ki kam lehnoh , “La ai jinghikai shaphang ki lehnoh ha Madrassas, ki pynkylla lehnoh bad jihadis….ka dei ka bym sngewtynnad ha ka Ri” ong u MP na Unnao constituency haba kren sha ki nongthohkhubor ha Nade mau kaba hap hapoh Kannauj district, kaba jngai kumba 120 km na Lucknow.
U la kynnoh ba ki khynnah skul kim ju shah shaphang ka jingtip ia ka Ri, ha ki skul niam. “Ia thuh ia nga shaphang ka Madrassas hangno la pyn her lama lai rong wat ha ka 15 tarik u nailai bad ha ka 26 tarirk u kyllalyng kot” u la ong. U la kdew ruh ba ki skul ki Madrassas ki ioh jingiarap na ka sorkar, “Bun na ki skul jong ngi kim ju ioh jingiarap na ka sorkar , hynrei ki Madrassas ki bym ju don bynta eiei bad ka Ri ki ioh” u la ong biang.
Ka Samajwadi Party ka la kynthoh ba kitei ki jingkren u Sakshi ki dei ki jingkren kibym sngewtynnad kaba ka la ong ba ki dei ki jingkren kiba don jingthmu ban wanrah ia ka jingiapher bad ka jingiapait hapdeng ki jaitbynriew. “U Sakshi u la kren ki ktien kiba thmu ban wanrah ia ka jingiapait bad ka jingiapher ha ka imlang sahlang” ong u nongaiktien ka SP u Rajendra Chaurdhary.
Kham ha shuwa ha ka jingialang kaba la long ha Etah ha ka 7 tarik u nailur, u Sakshi u la kren bad pyniahap ia ki Madrassas kum ka ktem jong ki jingsniew, bad u la kynnoh ba ka kyntien ‘love jihad’ ka khie rasong bad par sted na kum kitei ki jaka pule , ka ‘Love Jihad’ ka dei ka kyntien ba ju pyndonkam da ki riew shit niam Hindu kaba thmu ban pynkylla ia ki kynthei Hindu lyngba ka shongkha shongman.
Phi don ban ong eiei?