New Delhi: Ka India, ka la nang duh noh ia ki khlaw kiba rben jongka bad katei ka dei ka jingwad bniah, kaba la sdang naduh u snem 2019 haduh u snem 2021 bad ka jingduh ha kine ki ar snem, ka long 1,540 sq km, kaba la ktah bun eh ia ki 11 tylli ki jylla, ong ka kaiphod jong ka India State of Forest Report 2021, ba la thaw da ka Forest Survey of India (FSI).
Ka kaiphod, ka ong ba ka jingnang bun jong ki khlaw, ka kiew sha ka 2,261 sq km ha ki ar snem ba ladep, hynrei ka jingnang stang jong ki khlaw pat, ka la ktah haduh 501 sq km bad ka jing don jong ki khlaw kiba thung ba tep, kiba thung dien, ka kiew mynta sha ka 2,612 sq km.
La iathuh ba ki jylla jong ka thain shatei lam mihngi, ki la hiar shibun, ha ka jingdon jong ki khlaw bad ka Arunachal Pradesh, ka la duh da 257 sq km, ka Manipur da 249 sq km, ka Nagaland da 235 sq km, ka Mizoram da186 sq km bad ka Meghalaya da 73 sq km ia ki khlaw jongki, ha kine ki ar snem ba ladep.
Phi don ban ong eiei?