Shillong:U Symbud myntri rangbah ka jylla u bah Prestone Tynsong, haba ia kren bad ki lad pathai khubor, u la ong ba ia ka khyrdop entry point ha ka shnong Umling Ri Bhoi District yn sa pyntrei kam noh ha shuwa ka 15 tarik u Nohprah 2020.
U bah Prestone u la ong ba ka jingweng jong ka sorkar ia ki jingmang pisa ka ba long T.15 klur na ka bynta ban tei ia kane ka khyrdop entry point ha Umling Ri Bhoi District, ka long namar ba ka shim por ban pyndep kloi na ka daw ka jinglong jingman jong ka jaka, kumta ka sorkar ka la weng noh ia kane.
U la ong ruh ba ka jingdonkam jong kane ka khyrdop ha Umling Ri Bhoi District ka dei ka ba la long kyrkieh kumta la pynkylla noh ia ka sha ka prefer Structure ba kan kloi ka kam ban shna ia kane, ha ka jaka ba la don lyupa bad ha ka jinglut ka ba duna.
U bah Prestone u la ong ruh ba kane ka khyrdop ka long ka ba donkam ban pyndep kloi namar ba kin buh ruh ia ka jaka screening ha ka ne ka juh ka khyrdop bad kum ta la mang T.3 klur bad kaba lah ban pyntrei kam noh ha shuwa ka 15 tarik u Nohprah 2020.
U la ong ruh ba baroh ka sorkar kan sa sdang ban pyntrei noh ia baroh ki entry point ki ba don ha ka jylla ha ka ba ha Athiabari West Khasi Hills District ha Rattacherra East Jaintia Hills District bad ha Garo Hills District ia kine ki jaka yn ai ti noh sha ka Tourist Department, katba ha Mandi pathar la jan dep ban shna ia kane ka khyrdop entry point.
Phi don ban ong eiei?