Shillong,10 Naitung:
Ki nongthohkhubor ka jylla ki la pynlong ka jingiasyllok ba kyrpang bad ki nongshon dur kiba la wan na kylleng ka Ri, kiba la wan ban ia shim bynta ha ka Photography Workshop and Exihibition ba la pynlong da ka tnad Arts and Culture ka jylla, ha u SoSo Tham Auditorium.
Ha katei ka jingiasyl lok, la ia syllok shaphang ka rukom shon dur kiba dei n aka bynta ban pynmih khubor, la ia kren ruh shaphang ka jingkit jingmut ka dur, kaba tang kawei ka dur ka lah ban batai ia baroh ki jingjia kiba la jia ha kano kano ka jingjia. La ioh ruh ban ia kren bad ka rukom thohkhubor, ha ki jingjia kiba pher bapher, kiba katei ka jingiasyllok ka la ai jingmyntoi ia ki nongthohkhubor kane ka jylla.
Ha katei ka Workshop ki la don ki dur ba bunjait kiba ki paidbah ba la wan ban ia shim bynta ki la ioh ban peit ia ki dur kiba bunjait kiba la wah ha u SoSo Tham, bad kiba la shon da ki nongshon dur na kylleng ki jaka khamtam na ka thain shatei lam Mihngi bad nangne na nongbah Shillong.
Phi don ban ong eiei?