Shillong,7naitung:
Ka jingjia aksiden kaba shyrkhei ka la jia mynta ka sngi ha Thadlas kein, ha kaba kawei ka kali maruti Aulto ML05 E 2749 ka la shah tynrah, ha katei ka jingjia 2 ngut kiba shong hapoh katei ka kali ki iap hashen katba uwei pat u la mynsaw.
Katei ka jingjia ka la jia ha ka step phyrngap jong ka 7 tarik u naitung ha ka por 3:30 baje, katei ka jingjia ka la jia ha Thadlaskein,West Jaintia Hills ha surok bah, ki 2 ngut kiba la iap hashen la tip kyrteng kum u Jondari Passah 27 snem u ba na Ladthadlaboh Petrol pump Jowai bad uwei pat u Damechanlang Dkhar 25 snem na Khimusniang Jowai.katba u Samroi Syieh 25 snem uba na Khimusniang Jowai u mynsaw.
Ia katei ka Maruti la wan tynrah da kawei ka kali ba bud nadien, bad haduh mynta ym pat don jingtip eiei ia katei ka kali ba tynrah, namarba ka la phet krad noh hadien ba la tynrah ia ka kali ba shong kitei ki 3 ngut.
Ha katei ka jingjia katei ka kali Alto kaba dei trai da u ma Alex Pohchna ka la pra phum bad la shimpor ha duh ar kynta ban lah sei ia u Damechanlang u ba shong ha ka jaka shong ba shadien, u Jondaroi uba dei u nongniah u la iap hashen ha ka jingshah ksing ha u Stering kali katba u Samroi u ba shong ha khmat bad uba la laitim u la iathuh ba u ruh um tip eiei kumno katei ka jingjia ka la jia namarba u ioh thiah hynrei y kyndit ban iohi ba ki jparalok jong u ki la iap.
Ki pulit ka Ummulong Beat House ki la ioh jingtip ia katei ka jingjia ha ka por 4:30 baje mynstep, namarba ha katei ka por ba la jia katei ka jingjia ym shym don ki nongleit nongwan kiba iaid lynti nangtei, hadien ba la ioh jingtip ki pulit ki her wut wut sha katei ka jaka ban ai jingiarap, bad haba la poi ha katei ka jaka ki la lah ban sei jubor ia ka met iap kaba la shim por haduh ar kynta ban sei bad kata ruh ki la lah lyngba ka jingpyndonkam da ki tiar jong ka Fire Service. Ia ka metiap la shimti da ki pulit ban pyndep ia ka jingdonkam bad hadien la aiti sha ki bahaing hasem.
Phi don ban ong eiei?