Shillong, 14 Nailur:
Ka Kashari High Court ka Meghalaya ha kane ka sngi Paleika la ai jamin ia u Shan borlang Jala uba shah kem halor ka jingkyn noh donkti ban die kynja uba khia 1,007 kram dang shen.
Haba ai jamin, ka Kashari ka la buh jingkylli ia u Investigating Officer (IO) u bym lah ban pyndep ia ka kam hapoh 90 sngi bad takrain ia ka Special Judge(NDPS) Shillong kaba phah set khlem ioh ia ka kaiphod na u IO.
Ka Kashari High Court ka la ong ba ka Special Judge(NDPS), Shillong ka la pynmih ia ka hukum khlem pynshong nongrimbha ia ka jingmut jingpyrkhat.
Ka High Court haba pyniapher ia ka kyndon 36A ka NDPS Act bad ka kyndon 167 Cr.P.C ha kaba ka kyndon jong ka NDPS Act kam lah ban kham halor ia ka kyndon ka 167 Cr.P.C”.
Ia kane ka jingai rai ka kashari High Court ka Meghalaya yn teh ruh ha baroh ki iing kashari ba kham hapoh ha kane ka jylla.
Phi don ban ong eiei?