Shillong, 10 Naitung:
Ka Ri War College mynta u snem ka la lah ban sei bun ki sohthiang ha kaba bun ki khynnah ki la pas bha ha kane ka eksamin mynta u snem 2014.
U David Iawram u dei u wei u khynnah u ba la ioh kyrdan ba nyngkong ha kane ka resol jong ka BA final NEHU ha sobjek Khasi (Honours).
Kane kadei ka sien kaba lai ba kane ka kolej ka la pymih bun ki soh thiang ha kaba ka jingpas jong baroh ki khynnah ka long 96 percent. Ha u snem 2012 ka jingpas jong ki khynnah ka long 96 percent bad ha u snem 2013 ka jingpas jong ki khynnah ka la poi sha ka 97 percent.
Kane ka Kolej ka la khmih lynti ba ha u snem 2015-2016 kin pynmih kham bun ki top ten.
Ia kane ka Ri War Kolej la plie ha u snem 2009 ban kyntiew ia ka thain Ri War khnang ban lah ban weng ia ka jingsahdien . ka jingsiew ha kane ka kolej ka long kaba tad tam haba nujor bad kiwei ki kolej hynrei ka bai scholarship pat ka long kaba heh ban ia ka bai siew.
Kane ka kolej haduh mynta kam pat ju ioh jingiarap eiei na ka sorkar ne na ki nongmihkhmat ne na kino kino ki kynhun .
Na ka liang jong u Secretary In Charge u Bah M Khongshei u la kyrpad ia kino kino ki briew kiba don ka mynsiem ban kyntiew ia kane ka kolej ba kin ia noh synniang lem khnang ban ai ka jinhshakri khambha ia kane ka thain.
Phi don ban ong eiei?