Shillong,14 Nailar:
Kumba long manla u snem ka HNLC ka ju pynbna pakhang shnong bad ka ju maham ba kan ym kitkhlieh ia kiba leit ba wan ha ka sngi laitluid. Hynrei mynta u snem haduh ba thoh ia kane ka khubor katei ka seng ka sngap jar jar bad ka khlem phah kyrwoh shuh sha ki kotkhubor kaba ia dei bad ka sngi laitluid.
Wat la ka HNLC ka sngap jar jar hynrei ka sorkar kam shym la khein sting satia ha kaba la iohi ba la pynjur ka jingkhynra kali ha kylleng ki jaka khamtam ha ki kad ban rung hapoh nongbah Shillong. Ha ka sngi saitjain jong ka taiew la iohi ba ka la don ka jingkhynra kali ha Rilbong Police Point bad kiwei pat ki jaka. Ki tyllong khubor ki la iathuh ruh ba ka tnad pulit ka la phah ia ki bor syntiat ha kylleng ki jaka ban peit pyrman ioh ka don kano kano ka jingipher kaba lah ban pynthut ia ka jingrakhe sngi laitluid.
Phi don ban ong eiei?