Shillong: U nongialam ka BJP ha ka jylla, u bah AL Hek u la ong ba ka seng ka la khreh ban pdiang sngewbha ia ki MDC kiba kwah ban rung sha ka BJP ha kano kano ka por ruh. Haba kren myn hynnin ka sngi, u bah Hek u la ong, “Ngi kloi ban pynbaptis noh mynta hi lada ki wan ban iasoh sha ka party”.
Kane ka jingkren u bah Hek ka long halor ka jingkylli, la ka party kan pdiang ne em ia ki MDC kiba iakhih ha KHADC,lada kin wan sha ka BJP.
U bah Hek u la ong ba ha District Council ka don ka jingeh ia ki party namar ba ki MDC ki lah ban phet shano shano ba ki sngew bit namar ka jingbym don ka ain ban khang ia ki kumba leh ia ki MLA.
“Ka donkam ia ka ain ban tehlakam ia ki MDC kumba long ia ki MLA”,la ong u bah Hek.
U la ong ba ia mynta ka party kam pat kwah ban khot ban iakren ia ki hynrei lada ki wan, kan pdiang arti arjat.
Ha kawei ka liang, ula ong ba ka BJP ka don jingkyrmen ban jop ha kane ka elekshon MP na Shillong Parliamentary constituency, namar ba ki la trei shitom bha, hynrei kin ap haduh ka 23 tarik Jymmang.
Phi don ban ong eiei?