Nongstoin, 16 Nailur:
Ki pulit jong ka Nongstion hynne ka sngi ki la ioh ban kem biang sa ia u wei u runar u ba la don kti ha ka kam leh beijot ia ka khynnah kaba 15 snem ka arta kaba dei na ka shnong Myriaw West Khasi Hills katta nalor ki 7 ngut kiba la shah kem ha ka sngi palei jong ka taiew.
Ki heh pulit ka District ki la iathuh ba ia u tei u runar u ba la ioh kem la tip kyrteng kum u Basnes Ryntathiang 20 snem ka arta u ba dei na ka shnong Mawkarah kaba hap hapoh ka Mairang Sub division.
Kum ban shu pynkynmaw ba katei ka jingjia ka la jia ha ka 11 tarik mynta u bnai ha ka wei na ki jaka ha ka shnong Mariaw ha ka por 6.30 janmiet bad ha ka jingtohkit kaba bniah la lap ba ym tang ki hynriew ngut hynrei ki don haduh phra ngut ki ba la don kti lang ha katei ka kam ia kaba ki pulit ki la ioh ban kem noh.
Ki pulit ki la dep ruh ban register case hapoh thanad Nongstoin bad ka jingthoh kit ka dang iaid sha khmat.
Phi don ban ong eiei?