Shillong, 16 Jylliew:
U bah Embhahlang Syiemlieh, ula kylli ha iing dorbar, halor ka jingbym shah jied ia ki skhim IAY, ha ki bynta jong ka Maw lai Constituency. “Nga kwah ban tip ia ki daw balei ka skhim shna iing baduk ka IAY skhim khlem pyntreikam ha Mawtawar bad ha Um thlong Greater Shillong Cricle,” , la ong u Bah Syiemlieh haba kylli hynne ka sngi Nyngkong ha iing dorbar thawain.
Haba kubur ba kane ka skim kam shym la treikam ha kane ka constituency naduh u snem 2010-2011, u myntri ka tnad Community and Rural Development Bah Prestone Tynsong u la ong ba la don ki bynta ha kane ka thain ha Mawlai constituency la niew kum ka khanasumari sor.
“Hynrei ka jingpdiang ka tnad Rural Development, kane ka skhim yn pyntreikam ha baroh kawei ka constituency naduh une u snem 2014-2015,”, la ong u Bah Tynsong.
Phi don ban ong eiei?