Shillong, 12 Jylliew:
Ka BJYM Megha laya ka la takrain ia ka sorkar jylla halor ka jing pynlait mon ia ki kali saw khlem da siew khajna eiei hynrei ka dor shong kali ba shim na ki paidbah pat, ka kham rem ban ia ki kali kamai ba siew khajna.
U President ka BJYM u Bah Egenstar Kurkalang hadien ba la iakynduh ia u Commissioner ka tnad pyniaid kali, u PW Ingty, u la ong ba ka long kaba sngew lyngngoh ba ka sorkar ka la pynlait ia ki kali saw (SPTS) na kaba siew khajna, kum ka passenger tax, professional tax, insurance, MLMTU bad kiwei.
“Ki kali saw ka sorkar kim siew eiei hynrei ka dor ba shim na ki paidbah nongleit nongwan ka kham rem pynban ia ki kali kamai”,la ong u Bah Kurkalang.
U la ong ba ka sorkar jylla ka la leh thurmur bad ka la iaid laid ia ki kyndon namar ba ka ai mon ia ki kali saw hynrei ki nion pat ia ki paidbah.
Ha ka jingiakynduh bad u Commmsioner, ka BYJM ka la dawa ba ka sorkar ka dei ban pynbeit ia kane ka jingdkoh baroh.
Katkum ka jingiathuh jong u Bah Kurkalang, u Commissioner u la kular ba un peit ia kane ka jingujor jong ka BJYM.
U la ong ba ki kali saw ka sorkar bun mynta ki la shu shong khlem iaid kamai shuh ha kylleng ki jaka ha ka nongbah bad khap sor bad kane ka dei ka jingpynsyrwa kai ia ka pisa jong u paidbah.
Phi don ban ong eiei?