Shillong, 12 Nailur:
Ka jingtreikam ka sorkar ban shna ia ki
Residential School ha man ki Block ha nongkyndong ka la pheil, la ong u nongialam liangpyrshah u Dr Donkupar Roy haba wanrah ia ka jingkylli
hapoh ka iing dorbar thawain mynta ka sngi.
U Dr Don uba la buh jingkylli halor ka jingiaid jong ki kam ki jam ban shna ia kine ki skul, u la ong ba ka long kaba lyngngoh ba haduh 24 bnai ruh, ka sorkar ka dang sdang ban shna tang kawei ka iing skul bad kata ruh khlem pat lah ban dep satia.
U la ong ba kumno ka sorkar ka mang pisa ban shna ia ki skul haba kam pat ioh ia ka jaka bad kane ka long kaba lyngngoh shibun.
Kane ka jingkynthah u Dr Don, ka long halor ka jubab ba ka Myntri pule puthi ka Deborah Marak ka la ong ba ka daw ka jingslem ban shna ia ki skul, ka dei namar bym ioh jaka.
Ka Marak ka la kubur ba ka long kaba shisha ba ka kam ka slem namar ba don bun ki daw kum ka jingbym ioh jaka. “Ka jingtreikam ka slem namar ba ka sorkar ka pyntreikam da ka phasewise ne khyndiat
khyndiat”, la ong ka Deborah. Ka la ong ba ka jingjied ia ki Block ban shna ia ki Residential School
la pynshong nongrim katkum ka jingsahdien kaba mut ba kiba kham sahdien, kin ioh nyngkong.
Phi don ban ong eiei?