Shillong, 13 Lber: “Kiba bun kiba kum kitei ki jait kot hynrei kin ym lah ban pyn khih win ia ka jingngeit ki Kristan, ki Kristan ki ngeit ha u Jisu ba la thoh ha ka bible bad ha ka Gospel ym ha kiwei pat ki kot” ong u Arch Bishop ka balang Katholik u Rev.Dominic Jala haba kren sha ki lad khubor ha ka sngi saitjaiñ jong ka taiew. U Arch Bishop u la ong ba ki riew ngeit Kristan da lei lei ruh kin ym shah ktah ha kiba kum kitei ki jait jingthoh.
Lah ban kdew ba ha ka 26 tarik u rymphang la pyllait paidbah ia ka kot ‘Christ Parichay’ kaba la thoh da u Ganesh Savarkar u hynmen jong u nongialam ka niam Hindu u V D Savarkar. Katei ka kot ka dei kaba la pyllait ha ki 70 snem mynshuwa hynrei la pynmih biang ia ka mynta u snem. Katkum katei ka kot la thoh ba u Jisu u dei u Vishwakarma Brahmin uba la iap ha Kashmir bad lapynkhiah ia u da ki dawai kynbat na ki lum Mangkashang.
Phi don ban ong eiei?