Shillong, 13 Naitung:
Ki Congress kynthei ki la kyndit namar ba ka jingshah rem kput ka party ha kane ka elekshon MP bad ki la rai ban trei kham jur ban ioh biang ia ka jingjop.
Ka jingialang jong ki kynthei Congress ka la shim ia ka rai ha ka jing ialang kaba long ha kane ka sngi Saitjain ha Congress Bhavan, Shillong ki la ban ban don ka jingiatreilang ban ioh biang ia ka jingjop.
Ia kane ka jingialang la pyniaid da ka Shahnaz Haque kaba dei ka secretary All India Mahila Congress ba peit ia ka Meghalaya.
Ha kane ka jingialang, ka jingialang ka la iakren ia ka jingtreikam ka party ha kane ka elekshon Lok Sabha bad la kyntu ia ki kynthei Congress ban nym duh jingkyrmen na ka jingshah rem.
U president ka MPCC u Bah DD Lapang uba don lang ha kane ka jingialang, u ka ong ba ka MPCC ka long kaba la khreh ban leh ia kaba donkam jong ki kynthei Congress na ka bynta ban wanrah ia ka jingtreilang bad ka jingiatylli.
U Bah Lapang u la ong ba la donkam ban pynshlur ia ki kynthei ban don ka jingshaniah ha ki nongialam ka party hapdeng ki jingeh bad ki jingtynjuh ba bun.
Ka myntri kam pohiing ka jylla ka Kong Roshan Warjri ruh ka don lang ha kane ka jingialang kaba la wan ki longkmie ka Congress na kylleng ki jaka kynthup na Garo Hills ruh.
Phi don ban ong eiei?