Shillong,11 Naitung:
Uwei na ki nong pahara u Personal Security Officer (PSO) jong u Commander-In-Chief ka GNLA u Sohan D Shira u la shah siat iap ha ki pulit ha ka por ba ki dang khynra ha ki bynta ka khlaw bah ka Durama, mynta ka step.
Utei u PSO u dei uba la tip kyrteng kum u Sadam Sangma, u Sadam u la shah siat iap ha ka por ba ki pulit ki dang leit sha Durama ban pynpra ia ka ktem u Sohan. U Sadam Sangma u dei na ka pyrton shipai b alai jong ka GNLA na ka shnong Nengmandalgre kaba hap hapoh Williamnagar, East Garo hills district, iathuh ki bor pulit.
Katkum ki khubor pulit, la iathuh ba ha ka por ba ki pulit ki la leit ban pynpra ia ka ktem u Sohan ki la don kumba 10 ngut ki lehnoh ka GNLA kynthup ia u Sohan, hynrei ki la pyntip ba u Sohan u la ioh lad ban phet krad noh bad la iada dohiap dohim ia u da ki shipai jong u. Haduh mynta ki pulit ki dang bteng ban khynra lehnoh ha katei ka jaka.
Phi don ban ong eiei?