Shillong, 8 Naitung:
Ka North Eastern Hills University (NEHU), ka la pynmih mynta ka sngi, ia ka result jong ka Final Year BA (Hons) bad ki 2,697 ngut kiba ialeh, kiba pass, ki don 2,425, kaba long 89.91 percent.
Na bynta ka eksa min BA(Pass), ki don 5,134ngut kiba ialeh bad 3,718ngut kiba pass, kaba long 72.42 percent.
Kiba wan sha khmat eh, ha ka BA (Honours) ki long ka Nancy Malsawmkim kaba ioh 78.38 percent na Women’s College, Shillong bad nangta ka Grace Lhouvum, kaba ioh 74.,75 percent na Women’s College, Shillong bad ka Miyang Jiji, kaba ioh 70.25 percent na Women’s College, Shillong.
Kiba wan shakhmat eh, ha ka BA(Pass), ki long ka Donglal Muan Vaiphel, kaba ioh 64.57 percent na Bissau College, Shillong, nangta U Kitboklang Warshong, uba ioh 61.36 percent na Morning Star College, Shillong, ka Balarihun P Nongrum, kaba ioh 60.36 percent na Sankardev College, Shillong, ka Ibanrilang Thangkhiew, kaba ioh 60.14 percent na Umshyripi College, Shillong, ka Sumona Anima Costa, kaba ioh 60.00 percent na St Mary’s College, Shillong, U Kennedy Dhar, uba ioh 60.00 percent na Raid Laban College, Shillong bad U V Thangrouding uba ioh 60.00 percnet na Umshyrpi College, Shillong.
Phi don ban ong eiei?